Preikestolen Basecamp er plukka ut til å vera arena for eit nytt tilbod til leirskuleelevar, der dei vil få kombinert realfag og utandørsaktivitetar på skulecamp.

Det skal igjen bli leirskule på Preikestolen, men nå med eit meir utvida opplegg i regi av Den Norske Turistforening og Teknisk Naturvitenskaplig Forening (Tekna). Dei fyrste skuleklassane kjem allereie til våren. Tysdag var dei involverte i prosjektet samla til pressekonferanse på Refsvatnet nedanfor Preikestolhytta. Prosjektet vil tilby elevar over heile landet eit solid fagleg innhald der utandørsaktivitetar er kombinert med realfag.

– Prosjektet er landsomfattande og skal styrkja realfaget kombinert med friluftsliv, fortel prosjektleiar Geir Olsen.

Skulane som er tidleg ute med si interesse får finansiert leirskuleopphaldet sitt.