Gå til sidens hovedinnhold

Januarsalet på Jørpeland er ikkje avlyst på grunn av smitteauken i kommunen: – Me går med litt høge skuldrer på jobb nå, men eg synest folk er flinke til å ta ansvar

Solfrid Nag på Motehuset Byberg er glad for at butikkane på Jørpeland har fått klarsignal frå ordførar og smittelege om at dei kan marknadsføra januarsalet. – Då følast det mykje tryggare, peikar ho på.

For abonnenter

Butikkane på Jørpeland har venta med marknadsføring av årets januarsal på grunn av den auka smitten i Strand og dei strenge smittevernreglane

– Me er redde for å gjera feil og går me litt høge skuldrer på jobb nå. Me passar på å halda avstand. og kundane møter sprit med ein gong dei kjem inn i butikken, seier Solfrid Nag, som er dagleg leiar for kledebutikken, som foreldra hennar starta i si tid.

– Kundane er veldig flinke til å ta ansvar, eg føler folk tenker litt ekstra. Eg har munnbind i lomma, som eg kan ta på om eg føler det blir vanskeleg å halda avstand til kundane, held ho fram.

Fjoråret starta veldig bra for Motehuset Byberg. I mars og april måtte dei nedbemanna, slik at det bare var ein til to personar på jobb om gongen.

Dei er åtte tilsette i butikken, men nokre av desse har mindre stillingar som annakvar helg. Elles har dei også ein del skuleungdommar som jobbar i feriane.

– Fordel å vera fleire eigarar

– Det er ein fordel for oss at me er fleire eigarar som jobbar der, slik at me kan jobba litt etter behov. Me sparte også lønsutgifter i fjor, slik at totalresultatet for 2020 bare blei betre, sjølv om me gjekk ned ein prosent i omsetjing, peikar Nag på.

Ho fortel at butikken også hadde ei god avslutning på året med salet i desember.

– Totalt er me veldig fornøgde med resultatet i fjor. Det blei betre enn forventa, seier den daglege leiaren.

Sentrumsleiar Elin Aasheim Rossemyr tok kontakt med kommunen for å få klarsignal til å marknadsføra januarsalet.

– Det har vore ein del usikkerheit og spørsmål frå butikkane rundt dette med salet og kor mykje dei skulle marknadsføra det. Derfor tok eg kontakt med ordførar og smittevernlege for å få tommel opp eller ned frå dei frå om det var forsvarleg å reklamera så mykje for salet, seier Rossemyr.

Les også

Klar beskjed fra serveringssteder og butikker på Jørpeland: – Bruk oss! Det er trygt

– Godt sal på grunn av kulde og korona

– Statsministeren har jo tilrådd oss til å halda oss i ro. Salet har starta uansett, men me har venta med med marknadsføringa. Nå kan butikkane starta med dette, men me må vera veldig nøye på å følgja retningslinjene, held sentrumsleiaren fram.

Marius Veland er dagleg leiar på Sport Outlet på Jørpeland, og også der er salet i gang.

– Det er travelt i butikken, det heng saman med både kulda og korona. Det går i eitt og det er helst varme klede folk kjøper, peikar han på.

Både han og dei andre tilsette på sportsbutikken bruker munnbind om det blir mange folk i butikken og ved behov.

– Eg kan ikkje gå for lenge med munnbind om gongen, for då får eg migrene. Eg har sagt til dei tilsette at dei skal bruka munnbind, men at dei ser det an med kor mykje folk det er og at dei ikkje skal bruka det om dei blir uvel av det, fortel Marius Veland.

Les også

Sportsbutikkene på Jørpeland merker en Ryfast-effekt: – Ser mange nye fjes

Kommentarer til denne saken