Leiar bygg og anlegg Oskar Ommundsen: – Det blir nok verre denne gongen

HØGARE DENNE GONGEN: Sjøen stod nesten opp til kaikanten i Hjelmelandsvågen på sitt høgaste måndag føremiddag. Det skal bli endå høgare sjø litt før midnatt i kveld.

HØGARE DENNE GONGEN: Sjøen stod nesten opp til kaikanten i Hjelmelandsvågen på sitt høgaste måndag føremiddag. Det skal bli endå høgare sjø litt før midnatt i kveld.

Det er berre nokre veker sidan springfloa Didrik. I kveld kjem Didrik si søster, Elsa. Både vasstanden og vinden gjer at Elsa truleg blir meir dramatisk enn Didrik.

DEL

Oskar Ommundsen rosar båteigarar og andre som tok sine forholdsreglar før springfloa Didrik i januar. Han meiner det er endå større grunn til å passa på når Elsa kjem for fullt seint måndag kveld.

– Alle dei som løyste båtfortøyingar og gjorde det dei skulle sist, har endå større grunn til å gjera det nå. Sjøen skal etter prognosane stå 14 centimeter høgare denne gongen. Sist var me i tillegg heldige med vindstyrke og vindretning, så det blei ikkje så dramatisk som me frykta. Denne gongen er det meir vind og bølgjer. Det vil truleg føra til at sjøen står endå høgare enn prognosane tilseier, meiner Ommundsen.

Han ber derfor om at folk passar på båtar, og sikrar at det ikkje er ting av verdi i naust i sjøkanten. Det kan også vera lurt å ta sine forholdsreglar om du til dømes har hus eller hytte som ligg heilt nede i stranda.

– Me har til dømes sett at sjøen har stått heilt på kanten til å ta seg inn i hytter og nausthytter i Fistervågen tidlegare, sjølv om springfloa då ikkje var like høg som den som er meldt i kveld, understrekar han.

Nett som då Didrik var på besøk for nokre veker sidan, skal kommune, brannvesen og Røde Kors ha beredskap i kveld. Underetasjen i Vågahuset i Hjelmelandsvågen skal mellom anna sikrast med sandsekkar og flaumsikring. Det blir ikkje like arbeidskrevjande denne gongen.

– Nå kjem springfloene så tett at me ikkje har fått tid til å rydda vekk utstyret frå sist. Alt står klart der me sette det, seier Ommundsen.

Artikkeltags

Kommentarer til denne saken