Meir enn ti sauer og lam døydde då golvet i sauefjøset til Kjell kollapsa: – Det var betre at det gjekk nokre sauer og lam enn ungar
Fleire av sauene til Kjell Voster er mørkebrune i ulla etter at dei fall ned i hevdaskuten då golvet i sauefjøset fall saman. Nokre av dei går også rundt med fulle jur, som ingen lam vil dia meir på dette året. Eigaren sjølv er aller mest glad for at det ikkje var folk i fjøset då golvet rauk.
To dagar før delar av golvet i sauefjøset på Voster kollapsa hadde barnebarna til Elvira Tryland (64) vore på besøk og kosa og klappa dei nyfødde lamma. Ein time før Kjell Voster (69) oppdaga kollapsen hadde han sjølv stått på golvet.