Med færre publikummarar og meir avstand mellom desse tar arrangørane av cowboyjulekvelden på Spor 5 i Stavanger omsyn til dei nye, nasjonale tiltaka for å avgrensa koronasmitte i samfunnet.

– Det er vel sjuande gongen me kjører Christmas for Cowboys på Spor 5. Det heile starta med ein sleppekonsert av julealbumet vårt med bidrag frå Tramps, Helldorado, Flying Shoes og The Brigade. Det er mange felles medlemmer i desse banda, fortel initiativtakar og bandmedlem Steinstø, som opphavleg er frå Tau, men busett i Stavanger.

– Nå kjennest det som eit band som møtast kvar jul. Christmas for Cowboys har blitt ein tradisjon og ein institusjon, meiner han.

Neste måndag slepp det samantromla cowboyjulekonseptet ein ny julesingel; «Whiskey for everyone».

– Denne singelen skulle me ha slept før julekonsertane, men det blei litt snubling i releaseprosessen. Me er også nesten ferdige med innspelinga av nytt julealbum, men lufta går som regel litt ut av juleballongen i januar, fortel Jon Eirik Steinstø.

– Albumet har tatt litt tid å få ferdig, men neste jul blir det release av oppfølgaralbumet til Christmas for Cowboys, held han fram.

Denne helga skal cowboyane spela to konsertar både fredag, laurdag og sundag.

– Etter at dei nye retningslinjene kom blei konsertane våre avgrensa til maks 80. Dei som allereie har kjøpt billett har fått tilbod om å koma på annan konsert. Det er framleis nokre ledige billettar til sundag, sluttar Steinstø.

Les også

Østen (50) og Jon Eirik (47) sådde frøet til Skyggebror på Hjelmeland samfunnshus i 2010: – Dette har eg drøymt om i 15 år og nå skjer det