Gå til sidens hovedinnhold

Thea Sofie (17) og Mathias (21) sin julekonsert i Strand kyrkje: – Dei er så dyktige og saman klarte dei å skapa noko magisk

Anne Siri Veland (39) var ein av dei 50 som fekk med seg julekonserten til Thea Sofie Vervik Barka frå Jørpeland og Mathias Keilegavlen frå Tau sin konsert i kyrkja på Tau tysdag kveld.

For abonnenter

– Det var ein fantastisk konsert med dyktige musikarar. Det er så kjekt at dei arrangerer ein slik konsert når dei kjem heim frå studium andre stader i landet, seier Anne Siri Veland, som er frå Årdal og busett på Tau.

– Det var ein veldig nedpå konsert, der alle fekk vist kva dei er gode på. Det var veldig fint å høyra det dei klarte å trylle fram saman. Det Thea Sofie sa mellom songane knyta og band det heile saman, held ho fram.

Ho meiner songaren Thea Sofie Vervik Barka, gitaristen Mathias Keilegavlen og Ole Petter Ålgård på tangentar saman klarte å skapa ein god ro i publikum.

Øyvind Angelsen (32) frå Jørpeland var også på konserten.

– Det var ein kjempefin konsert. Eg likte godt at det var veldig nedpå og at det var ein fin variasjon i repertoaret, seier han.

Les også

Mathias (21) skal gje ut EP. Thea Sofie (17) er meir løyndomsfull om 2021-planane

– Eg likte også godt den samansetninga dei hadde vald av klangar, og samspelet mellom dei tre var også veldig bra, legg Angelsen til.

Keilegavlen er veldig fornøgd med konserten han tok initiativet til.

– Eg synest det blei veldig vellukka. Det var utseld, og me fekk veldig god respons frå publikum. Eg trur me skal prøva å gjera det til ein tradisjon. Satsar på full kyrkje utan nokre avgrensingar neste år, seier gitaristen.

Kommentarer til denne saken